Kabanata 77
A L I S O N
Sa sumunod na mga araw naging maayos naman ang lahat, wala namang nakabuko sa amin ni Blake kahit na paminsan-minsan ay nagsasabay kaming mag-lunch sa rooftop, iyon lang kasi ang lugar na walang makakakita sa amin, sino ba naman kasing estudyante ang nagpupunta sa rooftop? Pero hindi ko pa din talaga alam kung paano ko pakikitunguhan ng maayos si Camila pagkatapos ng nangyari noong unang araw ng pasukan. Mula din kasi no'n parang lumayo na ang loob niya sa akin at hindi na din siya madalas sumama sa amin nina June at Jewel. Hindi man niya ipahalata, alam kong iniiwasan niya ako.
"Hindi nga tayo pwedeng magsabay bukas, Blake," ako habang nahihiga na sa kama ko.
Kanina pa kami magkatawagan ni Blake at kanina niya pa din ako kinukumbinsi na magsabay kami bukas ka
