Kabanata 78
A L I S O N
Hanggang sa mag lunch break ay hindi ako nakatanggap ng message galing kay Blake.
Ano bang inaasahan mo, Alison? Siya pa ang mauunang makipagbati sa'yo? May dahilan naman siya para magalit. May pagkakamali naman talaga ako. Pero ganoon ba talaga? Tama bang hindi niya ako pansinin dahil galit siya. Paano namin maaayos ang away namin kung hindi siya makikipag-usap sa akin. Pero paano nga naman kaming makakapag-usap kung ganito ang sitwasyon namin? Naibuntong hininga ko na lang ang lahat ng frustration ko.
Sa cafeteria na kami nagkita ni Thalia, medyo marami nang estudyante doon nang dumating ako pero mabilis ko lang naman nahanap ang kaibigan ko. Kasama niya ang mga kaklase niya sa isang mahabang lamesa. Marami sila doon pero halos kakilala ko naman lahat ng nasa
