Kabanata 93
A L I S O N
"Pa, sandali! Hindi ko maintindihan. Bakit kailangan nating umalis? Saan tayo pupunta?" tanong ko habang nagmamadali si papa sa pag-iimpake ng mga gamit namin. Tinutulungan na niya akong ilagay ang mga damit ko sa isang malaking bag na para bang ayaw niyang magtagal pa kami ng husto dito.
Halata sa kanyang kilos na gusto na niyang makaalis agad sa bahay na ito na para bang may hindi magandang mangyayari kung mananatili pa kami ng matagal dito. May kinatatakutan siyang mangyari kaya gusto na niyang umalis kami agad dito. Alam ko 'yon pero gusto kong malaman kung anong dahilan.
"Mahabang paliwanagan. Wala na tayong oras para ikwento ko pa sa'yo ang lahat-lahat. Sundin mo na lang ang sinasabi ko, anak para makaalis na agad tayo sa lugar na ito. Saka ko na ipapaliwa
