ELYSIA'S POV
Hindi pagbabanta ang sinabi ko sa kanya dahil isa iyong katotohanan. Ayaw ko na maulit ang dati, na pinaniwala ako sa isang relasyon na walang kami. Na isa lamang akong side chick na mahirap piliin. Pinaniwala, nasaktan, nabigo.
Bakit pa ako mananatili sa isang relasyong alam kong nasira na ang tiwala? Hindi ko na isisiksik pa ang aking sarili dahil kahit wala pa ay handa akong palayain siya.
Pero dahil sa sinabi ko na iyon ay mas lalong naging sweet si Nico sa akin. Ipinaramdam niya sa akin na hinding hindi niya ipaparanas sa akin ang naranasan ko noon. Bawat araw ay hindi ito nagsasawang sambitin ang salitang mahal kita at bawat sandali na kami ay magkasama ay hinahagkan at hinahalikan niya ako.
"Ely, may problema ba kayo ni Nico? Mukhang iba ang feeling ko eh," tanon
