GAWAY'S POV
Pilit kong iwinaglit sa aking isip ang aking nakita kanina, marahil ay guniguni ko lamang iyon o gawa ng pagod. Bukod kasi sa pag-aasikaso sa dalawang bata ay tutok din ako sa aking negosyo. Ito lang ang aking kabuhayan na nagagamit ko upang matustusan ang mga pangangailangan ng mga bata lalo na ngayon na pareho na silang nag-aaral. Kahit na tinutulungan pa rin ako ni Ely sa mga gastusin ay ayaw ko naman na umasa sa kanya panghabang buhay lalo pa at may sarili itong pamilya.
Nang dalhin ko si Tadeo sa bahay ay ibinigay ko sa kanya ang isang bakanteng kwarto. Medyo nahihiya pa ako sa una sa kabila ng mga pinagsamahan namin noong mga nakalipas na linggo. Pagdating ng mga bata ay gulat na gulat ang mga ito nang makita si Tadeo sa sala.
"Daddy!"
"Daddy!" sabay na sigaw ng dala
