GAWAY’S POV
Nang bumalik ako sa cafe ay nagpaiwan na si Tadeo sa bahay kasama ng mga bata. Gusto rin sana nitong sumama sa akin upang matulungan ako sa pagsisilbi sa mga customer dahil kapag ganoong mga oras ay marami kaming customer. May mga paakyat at may pababa na mga dayo upang kumuha ng mga mushroom sa bundok malapit sa amin. Nakasanayan na ng mga taga-Girona ang ganito kaya kahit na nasa bahaging kakaunting tao ang cafe ko, sa ganitong mga panahon naman ako bumabawi.
Mabuti na lang din at hindi sumama si Tadeo dahil pagdating ng hapon ay dumating si Elysia kasama ang isang couple na nasa around 40s to early 50s ang mga edad. Ganoon kasi talaga ito, kapag nagagawi rito sa amin ay mas pinipili nitong makipag-meeting at kita sa mga clients at partners nito sa negosyo dito sa cafe ko
