Dahan-dahan kong binuga ang hangin sa aking dibdib bago inilagay ang aking kamay sa handle ng pinto. Pagka-unlock ay dahan-dahan ko itong hinatak pabukas.
Inaasahan ko na ang isa sa mga kasambahay na may dalang pagkain ang bubungad sa akin, at hindi nga ako nagkamali. Isang rolling service cart na may nakapatong na mga eleganteng silver cloche ang napagbuksan ko. Ngunit habang binabati ako ng pamilyar na mukha ng babaeng kasamabahay na si Ana ay tumuon ang tingin ko sa presensya ng matangkad na lalaking nakatayo sa mismong likuran nito.
Si Felan Carson.
Sa kabila ng nakapaskil na ngiti sa mga labi ni Felan Carson, hindi maikakaila sa kanyang aura at maging sa paraan ng kanyang pagkakatayo na tila pagmamay-ari niya ang buong lugar. Totoo naman, pero may malalim na pagtutol sa loob ko d
