Naiuwi siya ni Kyla noong gabing iyon, kinabukasan mabigat ang katawan niya, sobra na siguro siyang na-i-stressed.
"Apo, kumain ka na." Napatingin siya sa Lola ni Kyla na may dalang almusal para sa kanya. Napabangon siya at nahihiya dahil pinaghatid pa siya nito ng pagkain.
"Hindi na po sana kayo nag abala, Lola."
"Ayos lang apo, umalis na kasi si Kyla, pumasok na sa isang extra work niya. Ibinilin na huwag kang pabayaan at ang anak mo, " nakangiti ito habang malumanay na sinasabi ang mga salitang iyon.
Pumapasok pa rin si Kyla sa Aroma Mocha, pero day off nito ngayon. Hindi na ito umuuwi ng quarter nila sa mga Ferrer, dahil baka raw hindi ito makatiis at bigwasan si Sally. Pero mahigpit niyang binilinan ito na huwag niyang kokomprontahin si Sally, umakto siya na kunwari wala itong ala
