Pistanthrophobia (ON-GOING)

nineteen

XIX.

Inaantok na pinapanood ko ang mga estudyante sa labas ng bintana mula sa loob ng bus na sinasakyan ko. Ngayon na 'yung tour namin at mukhang napaaga ako dahil ang dami pang hinihintay. Kahit si Monique ay wala pa dito. It's just almost 4am at mukhang hihimatayin na ako dahil sa antok.

Maya-maya ay nagsakayan na rin ang lahat dahil na rin sa utos ng prof. Nagkatinginan kami ni Chloe nang dumaan siya sa upuan ko, wala akong katabi dito. Gusto ko sana siyang yayain na sa tabi ko na lang siya umupo pero dinaanan niya lang ako.

Hay nako.

After almost ten minutes ay halos nandito na ang lahat, siguro five students na lang ang hinihintay. Wala pa rin si Kyle.

Kinuha ko 'yung phone ko sa bag na dala ko para i-text siya.

Me:

Where are you na?

I sent the message bago ibalik ang tingin sa labas ng bintana.

"I'm here."

"Ay, kalabaw!" Halos mapatalon ako sa kinauupuan ko nang biglang may nagsalita sa tabi ko. Si Kyle na hawak ang phone niya sa kabilang kamay, nakasuot siya ng itim na hoody at pants. May headphone sa leeg niya na nakasabit, casual clothes looks so good on him.

"Kalabaw?" Naka-kunot ang noo na tanong niya. Paupo na dapat siya sa tabi ko pero bigla kong hinarang 'yung kamay ko.

"Wag dito." Sabi ko kaya tumaas ang kilay niya. Sinenyasan ko siya na doon na lang siya sa tabi ng mga barkada niya dahil hindi pa ako handa na malaman nila King na boyfriend ko na si Kyle. Lalong lalo na ng ibang estudyante.

Yap, boyfriend ko na siya. May problema ba kayo do'n? Although, medyo nagtataka ako kung bakit at paano nangyari 'yon. Hindi ko na rin itatanggi na gumagaan na talaga ng sobra ang loob ko sa kanya. Unti-unti nang nag-iiba 'yung tingin ko kay Kyle, he doesn't look weird to me anymore.

Those cold eyes, started to look warm at some point.

"Please..." Pagmamakaawa ko kaya tumango siya at umalis para umupo sa tabi ni Billy na may natutulog.

Kyle's annoyed. Kahit sinasabi ng mga tao na hindi nagbabago ang emosyon ng mukha niya, para sakin ay oo. Alam ko kung kailan siya masaya, kung kailan siya galit, kung kailan siya disappointed, kung kailan siya nagbibiro. Unti-unti ko nang nakakabisado lahat 'yon. Yung way ng pagtaas ng kilay niya at pag-ngisi niya, alam ko lahat ang ibig sabihin.

Pinanood ko lang siya na sinusuot 'yung headphone niya sa tenga niya, pumikit siya saka sumandal sa upuan. Napatingin ako sa lalake na umupo sa tabi ko na hindi naman ako pinansin.

Kinuha ko ulit 'yung phone ko para i-text si Kyle.

Me:

Sorry.

Binalik ko ang tingin ko sa kanya kaya nakita ko na dumilat siya at tinignan 'yung phone niya. Saglit niyang tinitigan 'yung screen bago nagtype. Maya maya lang ay nag-vibrate na 'yung phone ko.

Kyle:

It's a guy who's sitting beside you. I don't like it.

Napatingin ako sa katabi ko na busy rin naman sa phone niya. Lumingon ako sa gawi ni Kyle kaya nakita ko na nakapikit na naman siya. Paano ko naman paaalisin 'tong lalake na katabi ko?!

"Uh, may katabi ako dito. Ni-reserve ko 'to para sa kanya kaya pwede ba na sa iba ka na lang umupo?" Agad na sabi ko sa katabi ko kaya kunot ang noo na lumingon siya.

"Ha?"

"Sabi ko may kaibigan ako na nakaupo na dit—"

"May kaibigan ka pala?" Nakangisi na tanong niya bago kuhanin 'yung bag niya sa pagitan namin at tumayo para lumipat ng ibang upuan.

Tinitigan ko na lang masama 'yung likuran niya. Anong akala niya sa'kin?! Bestfriend ko sila King at Billy na kinatatakutan nila noh! Tadyakan ko mukha niyang bwiset siya e.

"Hi, Ynna. May nakaupo ba dito?" Napunta ang tingin ko sa babae na sa pagkakatanda ko ay kaklase ko sa halos lahat ng subject. She's nice naman.

Umiling ako saka ngumiti. "You can sit."

Nginitian niya rin ako bago umupo. Ano nga bang pangalan niya? Nakalimutan ko na kasi hindi naman kami close.

"Can i ask what time is it?" Tanong niya.

"4:21."

"Thank you, grabe sobrang aga pa pala noh? Muntik na nga akong hindi magising." Reklamo niya pero maya maya rin ay tumawa kaya natawa na rin ako.

Napatingin ako sa phone ko nang magvibrate na naman 'yon.

Kyle:

Better.

Napangiti na lang ako habang umiiling. Sumandal na lang ako sa sandalan at pumikit, it's gonna be a very long week.

After hours of byahe ay dumating kami sa isang falls, almost green and blue na ang kulay ng sobrang lamig na tubig tapos puro bato pa ang ilalim.

Nagreklamo pa ang mga estudyante dahil dito kami magpapalipas ng isang buong linggo, aalis-alis lang kami dahil may iba pa kaming pupuntahan. Pero dito kami matutulog.

"Maliligo ka?" Tanong ni Monique na hinahanap ang gagamitin niya na pang swimming.

Sabi kasi nung prof ay pwede na muna kaming mag swimming habang hinihintay pa na maluto ang lunch namin na hinahanda nila.

Inayos ko ang glasses ko. "Hindi, wala akong dala na pang swimming."

"Sayang naman at hindi mo maeenjoy!"

"Ayos lang, manonood na lang ako sa inyo..."

Gusto kong magswimming, okay. Pero sigurado ako na mabasa lang ako ng konti ay bura na ang fake pimples ko tapos mahuhulog din 'yung wig ko. Ano na lang mangyayari sa'kin?

"Gusto mo pahiramin kita? May sando ako sa bag at shorts, mukha naman na kasya sayo iyon."

Nanlaki ang mata ko. "Wag na, ayoko rin magswimming dahil takot sa tubig.." Pag sisinungaling ko.

"Let her kung ayaw niya." Napalingon kami kay Chloe na bigla na lang nagsalita sa gilid. Kasama namin siya sa tent, kasama ang dalawa niya pang kaibigan. Lima kasi sa isang tent.

Dinaanan niya ako ng tingin kaya nag iwas ako ng tingin. Tinulungan niya ba ako? Ang assuming ko pero gusto kong masabi na gano'n nga ang ginawa niya, sinabi niya 'yon para hindi na ako pilitin ni Monique.

Ngumuso ako. Alam ko naman na ginagawa lang 'yon ni Mon para maenjoy ko rin 'tong tour na 'to. Pero wala naman ako magagawa.

Nagpaalam sa'kin si Monique na magpapalit siya sa banyo, lumabas muna ako ng tent para magmasid sa labas

Ang ganda ganda naman dito! Halos umusok ang tubig dahil sa lamig. Tapos napapalibutan pa ng mga puno ang falls, sobrang linaw pa ng tubig kaya halatang malinis. Kitang-kita ang mga bato sa ilalim.

Hinanap ko ng tingin si Kyle pero hindi ko siya mahanap. Maliligo kaya siya sa falls?

"Aren't you going to swim?"

"Ay, palaka!" Gulat na sambit ko habang nililingon si Kyle na nakatayo sa gilid ko.

Tumaas ang kilay niya. "Palaka naman ngayon?"

Tumawa ako ng mahina at lumayo ng konti sa kanya para hindi kami mapansin ng mga estudyante. Kinagat niya ang kanyang labi at kinamot ang sentido.

"Hindi ako magsuswimming..." Mahinang sabi ko.

"Why?" Umarko ang kilay niya.

Bago pa ako makasagot ay inakbayan na siya ni Rigo na nakita kong lumabas ng tent nila, nakaputing shirt na manipis at shorts. Kasunod si Kieran na naka-grey na sando. Them biceps though.

Salitan ang tingin nila sa'min ni Kyle kaya nag iwas ako ng tingin at iniwan sila doon. Pumasok ulit ako sa tent kaya naabutan ko si Monique na mag-isa sa loob, nanlaki ang mata ko nang makita ang katawan niya. Nakasuot siya ng itim na halter top at high waisted bikini.

"Wow, ang sexy mo!" Gulat na sabi ko kaya namula siya at tinakpan ang katawan niya dahil sa hiya. Niyaya ko na siyang lumabas para makapag-swimming na siya, papanoorin ko na lang siya.

Naabutan na agad namin doon sila Rigo at Kieran na nagkukulitan na. Okay, so inaamin ko na Team King ako for Monique dahil bestfriend ko siya.

But damn, Rigo Ignacio!! He's very very attractive! Ang puti niya para sa isang lalake at napakaganda ng hubog ng katawan! Tapos mamula-mula ang labi at mapungay ang light brown na mata. Totoo ba talaga ang bampira? Kasi kung totoo, baka gano'n siya!

"Maliligo na kayo?" Tanong niya sa tatlong yelo nilang kaibigan. Naka-itim na shirt si Billy, si King ay puting sleeveless at si Kyle na grey na shirt.

Yumuko ako dahil nakatitig sa'kin si Kyle, bakit ba i find him more attractive kapag ganito lang ang suot? Look at the simplicity, guys! Pero ang dating umaapaw.

"Maliligo na ko." Sabi sa kanila ni Monique at hinila ako palayo sa kanila. Umupo ako sa bato kaya pinanood ko siyang nanginginig na lumubog sa tubig.

I laughed. That must be very cold.

Nilingon ko ang gawi nila Billy, nanlaki ang mata ko nang itulak ni Kieran si Kyle sa tubig kaya nahulog iyon. Napunta ang tingin ng lahat sa gawi nila.

Umahon si Kyle na parang basang sisiw, hinawi niya ang basa niyang buhok gamit ang kamay niya. He muttered a curse. Tumingin siya sa'kin kaya pasimple akong ngumiti pero nanlaki ang aking mata nang hubarin niya ang shirt niya. What the...

Kalahati lang ng katawan niya ang nakikita dahil nakalubog sa tubig ang kalahati. Pero shit... Lagi ba siyang nag-gy-gym? How can a body be this good? I just want to run my fingers throught his chest, but that would be very weird. Hindi naman ako manyak.

After a seconds of drooling. Binato niya ang shirt niya sa tabi ko kaya nabalik ako sa ulirat, ngumuso siya kaya sumimangot ako. Naglublob na rin sa tubig sila King at nagharutan na nga sila. Naglulunuran sila ng parang mga bata!

Ito ang hindi naiintindihan ng mga tao. King, Billy and Kyle... these three must be cold at people. Pero maraming oras na ine-enjoy pa rin nila ang mga sarili nila, hindi totoo ang iniisip ng iba na buong araw lang na nagsusungit ang mga iyan. They're just living their lives different from others! But they're normal, alright.

Hindi ko namamalayan na napapangiti na ako habang pinapanood si Kyle. Ang pilyo niyang pagtawa habang pabiro nilang pinagtutulungan na lunurin si Kieran, ang sarap sarap pakinggan at panoorin.

He has a way of melting every part of me.

"Guys, kain muna tayo!" Sigaw nung prof after an hour. Handa na ang mga pagkain at amoy na amoy ko na, hinila ko agad si Monique dahil gutom na gutom na rin ako.

Bigla na lang humaba ng husto ang pila sa pagkain kaya wala sa loob na niyaya ko muna si Monique na umupo para hintayin na umiksi ang pila.

Her body, pinasuot sa kanya ni Rigo ang puting shirt nito pero manipis ito kaya nakikita pa rin ang hubog ng katawan niya. Talagang napapalingon sa kanya ang halos lahat, hiyang hiya nga siya.

Nagpaalam siya sa'kin na kukuha siya ng drinks namin dahil wala pang pila doon. Ngumuso na lang ako at humawak sa tiyan ko dahil gutom na gutom na ako, hindi pa kami nag uumagahan.

"Here.."

Halos mapatalon ako nang makita sa harap ko ang plato na punong-puno ng pagkain. Napaangat ako ng tingin kay Kyle na nakatayo sa harap ko at nakatitig sa'kin.

"Sa'kin 'to?" Gulat na tanong ko. Tumango siya kaya mabilis kong nilibot ang tingin sa paligid, busy ang lahat sa pagtingin sa pagkain kaya hindi kami napapansin.

Pwera kila Kieran na pinapanood kami at may pilyong ngisi sa labi.

"Eat all of it, okay?" Malambing na sabi ni Kyle kaya kinagat ko ang labi ko at kinuha iyon sa kamay niya.

"Thank you..." Mahinang sabi ko kaya tumango siya at tumalikod para magpunta doon sa mga lamesa.

"Sinong... saan nanggaling 'yan?" Nabaling ang tingin kay Monique nang marinig ang boses nya, napangiwi ako nang makita ang hawak niyang plato na punong puno rin ng pagkain.

Hala, kanino naman galing 'tong sa kanya?

"May... nag abot sa'kin." Kumamot ako sa ulo at tumalikod na para magpunta sa lamesa. Busog na busog kaming dalawa habang pilit inuubos ang pagkain na binigay sa'min.

"Busog na busog na ko.." Masuka-suka na sabi ko habang hinihimas ang tiyan ko. Naramdaman ko ang pagtingin sa'kin ni Kyle kaya napalingon ako sa kanya.

When he's looking at me, my entire body knows it.

Tumaas ang isang kilay niya kaya nagtataka akong kinunot ang noo ko, bumagsak ang tingin niya sa pagkain ko na hindi pa nauubos kaya napasimangot ako.

He wants me to eat all of it! Hindi ko na kaya!

Nanatili ang titig niya sa'kin habang umiinom siya sa softdrinks in can kaya wala akong nagawa kundi pilitin na ubusin 'to. Nilingon ko si Monique na mabagal na nginunguya ang pagkain, parang wala na sa sarili dahil sa kabusugan.

Bigla niyang binitawan ang kutsara niya at umiling. "Ayoko na.."

"Uubusin ko 'to." Sabi ko at sumubo ng tatlong kutsara na magkakasunod at nilunok.

Tumawa si Monique at nagreklamo rin dahil sumakit lalo ang tiyan niya. Nang marami na ulit akong nabawas sa pagkain ay nilingon ko ulit si Kyle na pinapanood ako, so ugali niya talaga ang tumitig at manood sa'kin.

Ngumuso ako para sabihin na hindi ko na talaga kaya, gumalaw ang gilid ng kanyang labi at nag iwas ng tingin. Napangiti ako. YES!

So, hindi ko na nga inubos ang pagkain dahil pumayag si Kyle. Tumambay kami ni Monique sa tent buong araw, sabi ay bukas na daw ang simula ng pag alis alis namin para gumala kaya sulitin daw namin ang pahinga ngayong araw dahil mapapagod daw kami ng husto.

Minsan ay lumalabas si Monique dahil may mga tumatawag sa kanya. Samantalang ako ay hindi lumabas, kaya bumabalik siya dito dahil iniisip niya ako. Wala daw akong kasama dito. Look how kind she is.

Nagkukwentuhan kaming dalawa nang biglang tumawag si Kyle, napangiwi ako at nilingon si Monique na napatigil sa pagkwento. Sinenyasan niya na lalabas muna siya dahil may tumawag sa kanya mula sa labas kaya tumango ako bago sagutin 'yung tawag.

"Where are you?" Agad na tanong ni Kyle mula sa kabilang linya.

Sumilip ako sa maliit na bintana nitong tent kaya nakita ko siya sa hindi kalayuan na nakatayo. Nakasandal siya sa isang bato, katabi si Billy na kausap si Kieran. Medyo madilim 'yung part nila at mukhang wala silang balak makisali sa bonfire chu chu.

"I'm in the tent, why?" Sagot ko kaya mabilis na napunta ang mata niya sa tent kung nasaan ako. Pero halatang hindi niya ako nakita dahil maliit lang 'yung bintana kaya nag-iwas agad siya ng tingin.

"I haven't seen you since earlier.." Kinagat niya ang kanyang labi.

"Uh..."

"I miss you quite terribly." Mahinang sabi niya.

Naramdaman ko na nag-init ang mukha ko habang pinapanood siya na tumitingin sa taas at nagbubuntong-hininga. Pumikit ako habang kinakagat ang kuko ko. s**t, gusto ko na lang siyang takbuhin mula sa labas pero hindi pwede!

Huminga ako ng malalim. "What's the difference, anyway? Hindi rin naman tayo magpapansinan dahil maraming estudyante sa paligid."

Nakita ko na lumingon na naman siya sa gawi ko, nagkatamaan ang mata namin na kinagulat ko.

"Found you already, want me to go over there?" Tanong niya kaya pinanlakihan ko siya ng mata habang umiiling.

"You shouldn't." Mabilis na sabi ko. I heard his sigh, nakita ko na sinuklay niya 'yung buhok niya gamit 'yung daliri niya.

I still can't get over at his black hair! Halos magwala ang lahat kinabukasan matapos niyang magpa-black ng buhok. Nagulat ang lahat dahil unang beses yata nilang nakita si Kyle na itim ang buhok. Inis na inis nga siya nung araw na 'yon dahil ang daming tumitingin sa kanya, napaka-suplado pa naman ng lalake na 'to.

"I'm sorry.." Sabi ko.

"Just get out of that f*****g tent, i want to see you so bad." Mahina pero may lambing ang pagkakasabi niya. Hindi ko maiwasan na mapangiti sa inaasal niya.

Inayos ko 'yung glasses na suot ko bago lumabas sa tent habang hindi inaalis ang tingin sa kanya. Sinusundan niya ako ng tingin kaya inayos ko 'yung 'bangs' ko.

"Is this okay now?" Tanong ko kaya nakita ko ang pag-ngisi niya bago sumagot.

"Buo na ang gabi ko."

ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ ㅤㅤㅤㅤ ㅤㅤ