Kumusta naman ang trabaho mo sa fast food?" tanong ni Venus isang umaga habang nasa bench kami at naghihintay sa susunod naming klase. Dalawang beses sa isang linggo na lang din kami nagkakakwentuhan nang ganito.
"Okay naman, naka-adjust na rin ang katawan ko sa tatlong oras na trabaho. Malaking bagay nga talaga na sa boarding house na ako umuuwi kaysa sa bahay nila Uncle June."
"See? Tama ang suhestyon ko, 'di ba? Kumusta sina Alvin? Nagpapalipad hangin pa ba sa 'yo?"
"Hindi na. Alam nama niya na hindi ko prioridad ang pakikipag-boyfriend ngayon."
"O siya, magsisimula na ang klase ko. Bukas na lang tayo ulit magkwentuhan."
Tumango ako kay Venus nang nakangiti hanggang sa ihatid ko siya ng tingin palayo. May kalahating oras pa bago ang klase ko. Hindi ko naman gustong sa cl
