Nakangiting tagumpay habang nakaupo sa couch, habang nanonood ng balita. Iyon ang lumalarawan ngayon kay Andrew matapos ang ipinasabog niyang balita sa Media. Nakipag-interview siya sa isang kilalang Host ng News Entertainment at doon ay pinaalam niya sa lahat ang tungkol sa sekreto ng kaniyang ama na si Daniel Greyson. Ang taong pumatay sa nanay niya. Why blaming Daniel for his mother’s death? Dahil hindi siya nito tinulungan. At dahil doon ay napuno siya ng galit, at pagkamuhi sa ama. Pero ngayon nakaganti na siya sa ama, pati na sa pamilya nito. Alam niyang sa mga sandaling ito ay mainit na sa Media ang mag-asawa. At tiyak niya rin na nag-aaway na ang mga ito. Pero gayunpaman, bakit hindi niya maramdaman ang tagumpay? Nakangiti siya ng ubod ng tamis pero hindi naman siya totoong masaya.
