Ang balitang napanood ng mag-asawang Greyson ay kumalat at naging usap-usapan. Naging laman na rin sila ng newspaper. Sa labas ng kanilang mansion ay ang nagkukumpulan na mga reporter na gustong kuhanan ng pahayag si Daniel tungkol sa lumalabas na rebelasyon kamakailan lamang.
At matapang naman itong hinarap ni Daniel na mag-isa. Hindi pa rin siya kinikibo ng asawa hanggang ngayon, ngunit papatunayan niya rito na hindi niya ito sinasadyang lokohin noon. At kung totoong anak niya si Andrew Sebastian ay walang pag-aalinlangan niya itong tatanggapin.
"Mr. Greyson, ano po ang masasabi mo tungkol sa lumalabas na balita? Totoo po ba na anak mo si Andrew Sebastian?" paunang tanong ng isang babaeng reporter. Hinarangan ng mga ito ang daan ni Daniel. Kasalukuyan siyang nasa labas ng kanilang mans
