Ang Dalawang Anino ni Satanas

The Exorcist

Nakaparada ang Hi-ace sa curb sa tapat ng bus station sa may EDSA, Cubao. Trapik sa paligid, lalo na ang patungong South. At pinasama pa ng banggaan ng isang pribadong SUV at taxi na nagkagitgitan sa ilalim ng flyover at ngayo'y inaareglo ng MMDA. Busina ng mga na-hassle na sasakyan at sirena ng padating pa na ambulansya ang ahin sa tanghalian. 

Bago nito, napagkasunduan nina Jules, Hannah at ni Don Carlos na simulan ang exorcism ni Miguel sa darating na Christmas Break. Kinansela na ng don ang dapat ay trip nilang mag-anak sa States. Pinagusapan din nila kung saan gaganapin ang exorcism. Ayon sa don, may basement sila kung saan tahimik at hindi gaanong madidinig kung anumang ingay ang magaganap. Hindi din daw dapat alalahanin ang mga kapitbahay niya, pagka't wala ang mga ito tuwing kapaskuhan, at nasa bakasyunan sa malalayong lugar. Nang maplano na ang lahat ay tinawagan ni Jules ang exorcist na magpeperform ng ritwal para lumuwas papunta ng Manila.

Sa loob ng Hi-ace, naghihintay sina Hannah at Jules sa pagdating ng bus na galing Tarlac. Kumakain sila ng Mcdo na tinake-out nila sa nadaanang drive-thru. 

"Nadeposit mo na nga pala 'yung cheke?" tanong ni Hannah habang sumubo ng french fries.

Sa kanyang tabi sa passenger side, ngumunguya naman ng hamburger si Jules at gamit ang kanyang laptop. 

"Yes, nagwithdraw na din ako ng panggastos natin."

"Good," sabi ni Hannah.

Sa labas ng sasakyan, nagkalat ang mga tao na paroon at parito. Iba't-iba. Trabahador, office workers, estudyante. Kanya-kanya ng pace ng pagmamadali.

"Tingin mo madali lang itong mission natin?" tanong ng psychic.

"Siguro naman," kibit-balikat ni Jules. "Lalo ngayong may artifact na tayo, 'di tulad ng dati, may advantage na tayo ngayon."

Ang tinutukoy na advantage ni Jules ay isang religious artifact na ginamit nila noong last mission, sa pagpapatalsik ng dimonyo sa isang possessed na 6-year old na batang umano'y ipinanganak sa haunted house. Ang nasabing religious relic ay isang makapangyarihang rosaryo na pagmamay-ari dati ni San Lorenzo Ruiz, ang protomartyr ng Pilipinas.

"Yeah, secret weapon!" masayang hudyat ni Hannah. "Money in the bank!"

"For sure," ngiti ni Jules.

Di-katagalan ay may dumating na provincial airconditioned bus at pumasok sa terminal.

"Ito na siguro 'yun," turo ni Hannah.

Umayos sila ng upo at pinanood ang pagbukas ng pinto ng bus at pagbaba ng mga pasahero. Bata, matanda, babae, lalaki, payat at mataba. At ang hinihintay nila? Isang pari.

Bumaba ng bus ang naka-civilian clothes na pari—itim na jacket, slacks at casual shoes. May hitsura ito para sa isang alagad ng simbahan, maayos ang gupit at ahit. Dark ang features nito at matangos ang ilong—si Father Markus. Dala niya ang maliit na maleta, at kanyang bag na parang panduktor. Ang laman nito'y kanyang mga religious epektus—krus, holy water at iba pa.

Bumisina si Hannah at nakita sila ni Father Markus at lumakad ito tungo sa kanila.

Binuksan ni Jules ang sliding door ng Hi-ace at sumakay ang pari.

"Hi, Father!" bati ni Hannah.

"Hannah...Jules..." kaswal na balik ng pari. Halatang napagod ito sa biyahe.

Nag-left signal si Hannah at umandar ang Hi-ace sa EDSA papunta ng Manila.

"Yes, JHS is back!" masayang hudyat ni Jules.

"JHS?" pagtataka ni Father Markus, "Jesus Hominum Salvator?"

Jesus Hominum Salvator, Latin ng Jesus Savior of Mankind. JHS. Pamilyar na nakikita sa simbahang katoliko. Pero, sa kasong ito, may ibang version si Jules. Pinakita niya ang logo na JHS sa screen ng kanyang laptop.

"JHS," turo ni Jules sa logo, "as in, Jules, Hannah and Sebastiano! Paranormal and Exorcism Experts. Naka-copyright na ito. May TIN number na din. The works."

"May TIN number tayo?" tanong ni Hannah habang lumiko siya sa East Ave.

"Taxable kaya tayo, duh," sabi ni Jules, kumindat kay Hannah at may senyas pa sa likod kay Father Markus, "'Di tulad ng, alam mo na."

Nagtawanan sina Jules at Hannah. Sa likuran, napailing na lamang si Father Markus. Heto na naman tayo, ang nasa isip niya. At hindi din niya feel ang pagkakagamit ng kanyang first name.

#

Nakarating sila sa Manila ala-una y media. Ang sadya nila ay ang bahay ni Bishop Israel na siyang namamahala at nagsa-sanction ng kanilang mga exorcism. Nakatira ito malapit lamang sa Manila Cathedral--isang simpleng up-and-down na bahay na may dalawang kuwarto at study room sa ibaba. May mga nakasabit na na Christmas lights sa bintana ng bahay at isang life size na estatwa ni Santa Claus sa may entrance door—yung tipo na nagsasayaw at may tugtog.

"Hello, Santa," bati ni Hannah.

Pinagbuksan sila ni Arturo, may edarang lalaki na nagsisilbing butler ni Bishop Israel.

"Please, come in, the bishop is expecting you," sabi ng butler. Inglesero lang.

Pumasok sila at itinuro ni Arturo sa likod ng bahay. Sa backyard garden, kung saan naroon ang bishop, nakaupo sa bakal na lawn chair, may teapot at mga teacups sa bilog na mesa katabi ng isang libro na binabasa niya. Suot ng bishop ay light blue na robe at trousers na pangilalim. Sa tabi, nakasandal sa isang upuan ang kanyang mga saklay. Halos isang taon na ang lumipas mula nang maaksidente siya sa sinasakyang Revo, at ngayon ay alalay sa kanyang kanang binti. Tatayo sana siya nang makita sina Father Markus, Jules at Hannah, pero, pinigilan ng mga bisita.

"Please, don't get up," sabi ni Father Markus.

Nanatiling nakaupo ang obispo.

"Good morning, bishop," bati nina Jules at Hannah.

"Tea?" alok ni Bishop Israel sa kanila. Kung natuloy itong tumayo ay matutunghayan na matangkad ito. Halos 6-footer ang 60-something na kagalang-galang na obispo at isang Kastiloy. 

Naupo ang tatlo katapat ng bishop at isa-isang binigyan ni Arturo ng teacups at sinalinan ng tsaa. Nag-thank you sila sa butler na tumalikod at umalis.

"How are you, bishop?" tanong ni Father Markus.

"Heto, getting better. My legs are getting stronger," sabi ng bishop. "Temporarily out of commission and catching up on my reading!"

Pinakita ng obispo ang binabasang libro. Namukaan ni Jules ang title nito.

"Karen Armstrong?"

"Yes," sabi ng bishop, "Opening myself to new ideas."

Ang nasabing libro ay pinamagatang In the Beginning: A New Interpretation of Genesis by Karen Armstrong. Sa librong ito sinaliksik ng author ang book of Genesis ng bibliya, ang interpretasyon niya ng mga kahulugan nito as well as pinuna ang mga inconsistencies at moral issues.

"So, anong meron tayo?" tanong ni Bishop Israel. Alam naman niya ang sadya ng tatlo at ito'y may panibago silang kaso ng exorcism.

Binaba ni Father Markus ang kanyang tsaa. Binigyan na siya ng maikling background ni Jules habang nasa biyahe sila.

"18-year old na lalaki. Freshman. Galing sa mayamang pamilya," ulat ng pari. "Angkan ng mga Villaromano."

"Oh," react ng obispo habang humigop ng tsaa. Pamilyar sa kanya ang family name. "Allow me to ask my usual question, sigurado ba kayo na possessed?"

"Naramdaman ko mismo," sabi ni Hannah. "Nang hawakan niya ako."

Tumango ang bishop. May tiwala siya sa team ni Father Markus, na matagal na niyang kaibigan at isang confidant.

"First? Second heirarchy?"

Umiling si Hannah, "Hindi ko pa masabi sa ngayon."

"Pero, may hinala kami na baka may kinalaman sa Satanic worship," ulat ni Jules.

"I see..." muni ni Bishop Israel at napaisip ito. Na-discuss na recently ang tungkol sa mga Satanic cults na lumalaganap sa lungsod sa kanyang meetings with the Catholic Bishop Conference.

"Posibleng connected ito sa mga nababalitang Satanic murders..." hayag ni Father Markus.

"Y-yes, possible," siryosong agree ng bishop.

"Excuse me," singit ni Hannah.

"Yes?"

"Pwede bang lagyan ng cream itong tsaa?" ngiwi ni Hannah. "Ampait kasi."

Napatingin sa kanya ang iba. Napa-roll ng eyes si Jules.

"Baka gusto mo ng juice na lang?" alok ni Bishop Israel.

Nagpa-cute ng eyes si Hannah, "Please, bishop. Hindi ako masyado sa tsaa. Well, unless milktea siya na may flavor..."

Tinawag ng bishop si Arturo at pinakuha niya ng orange juice. Bumalik ang butler na may malaking tetra pack ng imported na orange juice at tatlong baso. Nanigurado na siya na baka gusto rin ng iba. Nagdala na rin ito ng ashtray dahil alam niyang ito ang kasunod na hihilingin sa kanya.

"Thank you, Arturo," ngiti ni Hannah at nagsindi ng yosi.

Tumalikod ang butler at umalis na muli.

"Soooo," sabi ni Hannah habang bumuga ng usok, "Anong next?"

"I guess, we proceed, as early as possible," mando ng obispo.

"Kailangan na ba natin ang artifact?" tanong ni Jules.

Ang sinasabi niya ay ang rosaryo ng Filipino protomartyr na si San Lorenzo Ruiz na nagamit nila sa pagpapatalsik sa isang first heirarchy na demon na nagngangalang Berith sa last na major exorcism nila sa Quezon Province.

"Only if necessary," sabi ni Bishop Israel. "Assess the situation, kung tingin n'yo kailangan, I'll inform Archbishop Villasor."

Of course, Si Archbishop Villasor ang mas senior pa kay Bishop Israel at siyang safekeeper ng mga artifacts.

Nagtanguan sina Father Markus, Jules at Hannah.

"Okay, let's do this," sabi ni Jules.

Nagsitayuan sila para umalis.

"Markus, wait," sabi ng bishop at pinauna niya sina Jules at Hannah.

Nang wala na ang dalawa:

"Kumusta ka, father?" tanong ni Bishop Israel.

Nagalangan si Father Markus sa tanong ng obispo, may laman ito. Tumango na lamang siya na okay lang siya.

"Maraming bagay ang na-resolve ng exorcism ng bata, Father Markus. Maraming ni-reveal ang demon na si Berith," sabi ng bishop patungkol sa last mission nila.

May malungkot na tingin na binitawan si Father Markus, alam niya ang kasunod na sasabihin ng bishop.

"Hindi ko naitanong ito sa iyo," sabi ni Bishop Israel. "What about Sister Juanita?"

Ang tinutukoy niyang Sister Juanita ay isang batang madre na na-possessed ilang taon na ang nakaraan, ng dimonyong si Berith. Hindi successful ang naging exorcism ni Father Markus sa kanya at nauwi ito sa pagpapakamatay ng madre. At ito'y bumabagabag sa pari, araw-araw siyang kinakain ng kunsyensya niya sa nangyari.

Tinignan ni Father Markus ang bishop at sa malagim na tono, sinabing:

"She's in hell, bishop."

At malungkot siyang naglakad paalis.