Kaluskos sa dilim.
"Tony?"
"Ako nga."
Tinamaan ng sinag ng buwan ang katauhan ni Tony habang nakayuko itong lumapit sa kanilang pinagtataguan sa likuran ng puno. Inikot ni Tony ang loteng kinatitirikan ng bahay na itim at bumalik sa kanila kasamang impormasyon. Nag-huddle sila.
"Okay, dalawa ang entrance," sabi niya sa kanyang malalim na boses, habang ginuhit sa lupa ang kuwadradong korte ng bahay gamit ang tangkay ng puno. "Isa sa harapan at dito sa may likod."
"Dalawang grupo tayo," sabi ni Andy."Kami ni father at Hannah sa likod, kayong tatlo sa harap."
"Areglado," tango ni Tony at tumingin kina Jules at Dean na sumang-ayon.
Tumingin si Andy sa kanyang relo.
"Papasok tayo sa kalagitnaan ng sinasabi n'yong ritual," aniya. "Para ma-caught by surprise natin sila."
"Sa kalagitnaan?
