“Anak, nauna na sila Kez at Reign sa simbahan.” Kapapasok ni Dad sa kwarto at agad nitong hinanap.
Katatapos lang akong ayusan ng makeup artist. At ngayon, balak ko nang isuot ang wedding gown ko. Ngunit hinarap ko muna saglit si Dad.
“Yes, Dad. Nagpaalam nga po sina Reign at Kez na mauna na para makatulong sa pag-assist ng mga bisita na nasa simbahan na.”
Nagpapasalamat ako dahil hanggang ngayon, matibay pa rin ang pagkakaibigan namin. Sila ang kasama ko noong panahon na nasaktan at umiyak ako, naroon sila para damayan ako at ngayong, ikakasal na ako, narito pa rin sila… sasamahan nila ako sa isang napaka-espesiyal na araw para sa akin.
“Bri…” malumanay na binanggit ni Dad ang pangalan ko. Nakaayos na si Dad at nakasuot na rin ang kaniyang Americana suit, ako na lang ang h
