Ramdam ko ang pagkirot ng ulo ko nang imulat ko ang aking mga mata. Naningkit pa ako dahil tumatama sa mata ko ang sinag ng araw galing sa glass window na nasa side lang ng kama ko.
“Ay, gagi!” Napasapo ako sa noo ko nang marealized kung anong oras na.
Tiningnan ko ang wall clock ko dahilan para mapamura ulit ako. Late na ako sa trabaho! Malamang ay hinahanap na ako ni Dad sa office ko.
Gustuhin ko mang bumangon na, hindi ko magawa dahil pinipigilan ako ng sakit ng ulo na nararamdaman ko ngayon, malamang ay hangover ito. Naalala ko kung ano ang nangyari kagabi. Nasobrahan ako sa pag-inom.
Ang hindi ko maalala ay paano ako nakauwi kagabi?
Nakaya kong mag-drive ng lasing? Imposible!
Kinuha ko ang phone ko at balak kong i-message sana si Dad pero naunahan na niya ako.
