That day, we enjoyed our moments. Halos buong araw kaming namalagi sa dalampasigan at hindi inalintana ang init ng araw. Paminsan-minsan ay sumisilong sa lilim ng niyog saka kakain ng miryenda at tanghalian na binili mismo sa mga stalls. Sa sobrang haba ng oras na inilaan namin upang masulit ang ganda ng karagatan, bahagya akong nangitim nang tingnan ko ang sarili sa harap ng salamin. Nagpahid naman sana ako ng sunblock kanina.
“Hala, ang hirap pa naman magpaputi,” nag-aalala kong bulong habang nasa harap ng salamin na narito sa banyo. Nasa gilid ko naman si Arlet, nagto-toothbrush.
Nagtama ang aming mga mata sa repleksyon. Habang iginagalaw niya ang sepilyo sa kaniyang bibig, kitang kita ang lalim ng paninitig niya sa akin. Biglang bumilis ang t***k ng puso ko, na para bang sa kahit ila
