TULOG pa si Diana nang lumabas ng silid nila si Matt. Alas-sais pa lang ng umaga at base sa mommy niya ay nasa garden na ng mga ganoong oras ang kaniyang abuela para mag-yoga.
Bukod-tanging ang mga katulong pa lang ang naabutan niya sa ibaba na kasalukuyang naglilinis.
“Nasa garden na ba si lola?” tanong niya sa isa sa mga naroon.
“Opo, Senyorito. Ala, eh, kalalabas la’ang po,” tugon ng katulong sa matigas na puntong Batangueño.
“Thanks.” Tumango siya saka lumabas ng sala mula sa glass door na nasa gilid patungo sa garden. Naabutan niya itong kasalukuyang umiinom ng kape habang nakatayo sa harap ng fountain na nakalagak sa gitna ng malawak na garden.
Tila naman naramdaman nito ang presensya niya. Bahagya itong bumaling sa kinaroronan niya at saka muling ibinalik ang atensyon sa foun
