“Gusto mo bang maglalakad-lakad sa dalampasigan?”
“Oo naman.” Sabay tumango siya.
“Tara sa labas.”
Kakatapos lang nilang magpahinga mula nang dumating sila roon at nagpalit na rin siya ng kaniyang suot na damit. Isang ternong puti na blouse at short na pinarisan niya ng beach slipper. Kahit dapit-hapon na, mainit pa rin ang sikat ng araw sa lugar. Sumama naman siya kay Kameron upang maglakad-lakad sa dalampasigan. Kanina pa niya nakita ang kabuuan ng rest house nito at masasabi niyang napakalaki nito. May nakita pa siyang swimming pool sa gilid kanina at isama na ang magandang ambiance sa sa paligid. Ilang metro lang din ang layo ng resthouse mula sa dalampasigan kaya madali lang din makarating doon. Nalaman din niya kaninang may nag-aasikaso naman sa bahay nito roon at sa kabilang baha
