PASURAY-SURAY ng naglakad sina Raven at Kameron habang nakaalalay ang mga asawa nila. Ala-una na rin ng madaling araw kaya kailangan na nilang umakyat sa kanilang mga kwarto. Nakasalubong naman nila sina Kinne at Tristan nang ihatid ng mga ito sina Wigo at Kaiser na gumapang na halos sa kalasingan.
“Hoy, Raven. Talagang asawa mo pa ang pinagbuhat mo, eh kung mapaano iyan? Siraulo ka talaga,” reklamo ni Tristan sabay lumapit ito kay Kreisha. “Let me do it.”
“H-Hoy, u-unggoy. K-Kaya ko pa⸻”
“K-Kaya? H-Hindi ka na nga makatayo ng diretso tapos kaya mo pa? Upakan na lang kaya kita.” Inilagay ni Tristan ang braso ni Raven sa balikat nito.
“Ayan kasi. Maglalasing hindi naman pala kaya. Gutom pa naman ako at gusto ko ng tinolang manok,” sambit ni Kreisha. “Raven, manghuli ka muna ng manok, p
