DAHLIA's POV
❦❦❦
Hindi mawala sa mukha namin ang pagkamangha sa lugar na ito, iba't ibang uri ng halaman ang nagmimistulang tirahan nila at para kaming langgam sa liit na halos sakupin na ng mga damong ito sa paligid.
Ang bawat damit nila ay mga talulot ng iba't ibang uri ng bulaklak, may matitingkad din silang mga kulay ng buhok na kasing kulay ng mga pakpak nila. Parang mga paro-paro at iba pang uri ng insektong lumilipad ang uri ng mga pakpak nila.
Ang hangin sa loob ng kaharian nila ay napaka-presko at pakiramdam ko nga kada lalanghapin ko ang hangin na ito ay gumagaling ang mga sakit na nararamdaman ko sa katawan. Para bang ang paligid mismo ang nag-aalaga sayo at magpapagaling sa mga sakit mo.
"Gusto ko tumira rito," bulong ko habang pinagmamasdan ang kagandahan ng buong kaharia
