-------
***Third Person's POV***
-
Kahit kababalik lang ni Hayden mula sa US, agad niyang inasikaso ang trabaho. Marami siyang kailangang habulin matapos ang apat na buwang pagkawala niya sa bansa. Habang nasa Amerika siya, ang ama niyang si Russel Aragon muna ang pansamantalang nagpatakbo ng kompanya. Maayos naman ang lahat sa ilalim ng pamumuno ng kanyang ama, ngunit bilang CEO, alam niyang may mga bagay pa rin siyang kailangang tutukan at habulin upang maibalik sa dating sigla ang operasyon ng kanilang negosyo.
Isa sa mga dahilan ng pagpunta niya sa US ay ang kanyang pinag-aaralan—isang kurso na makatutulong sa pagpapalago ng kompanya. Ngunit higit pa roon, gusto rin niyang makalayo muna sa lahat ng nangyari sa pagitan nila ni Maricar, halos limang buwan na ang nakalipas bago siya u
