--------
***Third Person’s POV***
-
Hindi mapakali si Hayden, kahit pa sinabi sa kanya ni Christine na hindi naman ito sigurado na Haidee nga ang pangalan ng anak ni Harry, na baka daw nagkamali lang ito. Pero para itong sirang plaka na paulit- ulit sa isip niya. At hindi niya gusto ang pakiramdam ito.
Kinuha niya ang cellphone at muling hinanap ang numero ni Elara. Hindi siya papayag na hindi ito sasagot sa tawag niya ngayon. Pero tulad ng nangyari kanina, kahit ilang ulit niyang i-dial ang numero nito, hindi pa rin sinasagot ni Elara ang tawag niya. Sa sobrang inis at pagkainip, muntikan na niyang maibato ang cellphone sa sahig.
Marami pa siyang kailangang tapusin, napakarami pa niyang dapat asikasuhin. Dalawa pa ang executive meeting niya mamaya, ngunit kahit anong pilit, hindi si
