-------
***Third Person’s POV***
-
Hindi na napigilan ni Hayden ang sarili. Tuluyan na talagang pumutok ang emosyon niyang kanina pa pinipigilan. Sa tindi ng galit na bumalot sa kanya, buong lakas niyang ibinato ang cellphone na hawak niya—at sa isang iglap, nagkalasog-lasog ito sa sahig. Tumilapon ang mga piraso ng basag na salamin, kasabay ng tunog na parang sumabay sa pagsabog ng damdamin niya.
Wala siyang pakialam sa cellphone. Madali lang naman palitan iyon, kahit mas mahal pa. Ang hindi niya kayang palitan ay ang nararamdaman niya ngayon—ang matinding pagngitngit ng kalooban, ang galit na tila apoy na kumakain sa bawat hibla ng kanyang pagkatao. Hindi pa sapat ang ginawa niya. Gusto pa niyang magwala, gusto niyang suntukin ang dingding, ang mesa, kahit ang sarili niyang dibdib, p
