Bagamat hindi pa tuluyang naimumulat ni Aurora ang kaniyang mga mata, isang malambot na bagay ang naramdaman ng dalaga na dumampi sa kaniyang mga labi. Dahil dito, kaagad niyang naimulat ang kaniyang mga mata at ganoon na lamang ang kabog ng dibdib niya nang malamang labi pala ni Xenon ang dumikit sa labi niya. Doon niya rin napagtanto na magkatabi pala sila ng binata na natulog sa iisang kama. Kung kaya’t hindi niya tuloy maiwasan na pagmasdan ang gwapong mukha ng binata. Mula sa mahahaba nitong pilik, matangos na ilong, makinis na mukha at ang mamula-mula nitong labi na tila kay sarap halikan nang paulit-ulit. Dahil sa naisip, kaagad na pinamulahan ng mukha si Aurora, sapagkat, para bang pakiramdam niya ay pinagnanasahan na niya ang binatang nasa harapan niya. Sapagkat sa tagal na niyang
