Malungkot na nakatanaw ang dalagang si Aurora sa magandang tanawin ng maisipan niyang maglakad-lakad upang maibsan ang pagkabagot na kaniyang nararamdaman. Bagamat may takot na nararamdaman alam niyang magiging ligtas siya sa bayan ng Sta. Ines. Lalo pa’t nasaksihan niya kung gaano kababait ang mga tao na naninirahan dito. Isama mo pa na alam niyang walang magtatangka sa buhay niya sapagkat nahuli na ang mga ito. Akmang magpapaalam sana siya kay Silver na lalabas lang siya saglit ng makita niya na tanging katulong lamang ang naabutan niya. Dahil dito, hindi maiwasan ni Aurora na mapakunot ang kaniyang noo, sapagkat, kahit ang batang si Callum ay hindi niya nakita.
“Manang, maaari ko bang itanong kung nasaan sina Silver?” may paggalang namang tanong ni Aurora sa matandang katulong nina
