Chapter 41
NAGING kritikal ang kalagayan ni Greg sa ospital, natamaan ang pinakasensitibong ugat niya sa katawan kaya pagkatapos ng dalawang araw ay binawian na rin siya ng buhay. Lubos ang kalungkutan ni Mrs.Beatriz sa nangyari, pero naisip niyang marahil ay iyon talaga ang tadhana ng kanyang anak. Muli niyang sinisi ang sarili kung bakit pumayag siyang ang mga Monteverde ang magpalaki sa kanyang anak. Kung sa kanya sana ito lumaki ay wala itong pagbabayarang kasalanan sa tadhana. Kung sana’y naging mas matapang siya para maipaglaban ang anak hindi sana ito mangyayari.
Nang mga oras na iyon ay naisipan niyang pumunta sa chapel na nasa loob lang ng vicinity ng ospital, pagkatapos niyang malaman na wala na si Greg ay ang pagdarasal para sa kaluluwa nito ang agad niyang naisip. Lumuhod siy
