Chapter 78
Zhannia
TAAS noo akong lumakad pabalik kahit pakiramdam ko nadurog ang puso ko sa nakita, pilit kong nilagyan ng ngiti ang mga labi ko. Hindi ako dapat magpapaapekto. Hindi ngayon. Huminga ako nang malalim at lumapit kay Khail, na para bang normal ang lahat.
"Come, baby," sabay kuha kay Michi mula sa bisig ni Khail. Halos idiin ko ang mga susunod na salita. "Mukhang busy ang Tatay mong makipaglampungan. Hindi lang nahiya."
Naramdaman ko ang reaksiyon ng katawan ni Khail, na para bang binuhusan siya ng malamig na tubig. Alam kong ramdam niya ang sarcasm sa tinig ko, but I don't care. Kailangan kong palakasin ang loob ko, lalo na sa harapan ni Michi.
Nakita ko sa mga mata ni Michi na tila malapit na siyang umiyak. Hindi pwede. Hinaplos ko ang buhok niya at binigyang ng nakak
