BAGO umalis sina Amor at Joel sa bahay ng mayor ay saka lang sinabi ni Joel na huwag na lang banggitin kanino man ang ginawa nilang pagpapakasal. At mukhang malapit nga si Joel kay Ninong Cesar dahil nagawa nitong ikuwento ang lahat-lahat; kung paanong ang ginawa nilang palabas ay nauwi sa wala sa oras na kasalan.
Natawa na lang si Ninong Cesar. “Iyan ang napala mo sa pagiging babaero, Joel. `Yan, ‘nasakal’ ka nang wala sa oras.” Magiliw siyang sinulyapan ng matandang lalaki. “Kunsabagay, Amor, kahit ngayon pa lang kita nakita, mas magaan naman ang loob ko sa iyo kaysa sa mga naging girlfriend ng mokong na ito. Baka kayo nga ang itinakda ng tadhana para sa isa’t isa.”
Nakitawa na rin si Amor. “Para po palang bagyo ang tadhana. Wala ho akong kamalay-malay na bigla na lang akon
