78. Realizing
MATAPOS NA maiwanan ng kapatid si Alluka, muling nanumbalik sa kanya ang kalungkutan. Tahimik niyang pinagmamasdan ang mga Platoon na nag-uusap. Nakaupo siya sa itaas ng batuhan kaya nakikita niya ang lahat. Gusto niya ng ayusin ang sarili ngunit hindi niya alam kung paano. May lamat na ang puso niya. Hindi gumagana ang utak niya. Wala siyang kapasidad na mag-isip ng tama. Pakiramdam niya rin, sa oras na kumilos siya, ang mga susunod niyang hakbang ay magiging mali na. Ayaw niyang dumating sa punto na magiging pagbigat siya sa iba. Hindi siya ganito pinalaki ng ama niya. Hindi rin ganito ang naging turo ng mama niya.
Nakatingala siya sa kalangitan kung saan naroon ang maliwanag na buwan. Tila ba napakalungkot niyon at mag-isa. Wala kaseng bituin sa kalangitan. Pinipilit ni
