79. Typing
ILANG ARAW na ba ang lumilipas? Hindi niya na rin alam. Ang kadiliman kase ang naging kasama niya sa mga nakalipas na araw magsimula nang magising. Ito ang naging karamay niya sa apat na sulok ng kwartong iyon.
Mahirap sa kanya ang sakrepisyong ginagawa ngunit ito lamang ang kaya niyang gawin sa ngayon— ang maghintay upang maisagawa niya na ang kanyang plano.
Matindi pa rin ang pananakit ng kanyang katawan ngunit hindi na iyon katulad nang mga nakaraang araw na wala siyang lakas para makagalaw. Mas nakakakilos na siya ngayon nang hindi iniinda ang sakit ng mga sugat at lapnos. Ilang araw rin kaseng gising ang kanyang diwa ngunit hindi ang katawan. Tila ba hindi ito nakikisama sa mga gusto niyang mangyari. Mukhang naging matindi ang pinsalang natamo niya nang madali ng pagsab
