55. Cell
HINDI MALAMAN ni Alluka ang dahilan kung bakit muling bumabalik ang dating pagiging alisto at matalas ng pakiramdam niya. Nawala na iyon noong maging panatag siya sa poder nila Sage. Gumagana na naman siguro ang subconscious mind niya upang ipaalala sa kanyang kahit na may mga kasama siya ay hindi pa rin siya ligtas. Na maaring kahit anong oras ay may mangyayari sa kanyang hindi maganda.
Nag-aalala siya para sa mga kaibigang hindi nila kasama. Pati na rin sa kapatid niyang wala sa tabi niya. Sana ay walang nangyaring masama sa mga ito ngayon. Isipin niya pa lang kase ay parang mababaliw na siya. Sanay na siyang nasa paligid ang mga ito parati. Magkakasama nilang hinaharap ang problema.
Ipinagpatuloy ni Alluka ang paghahasa ng punyal. Paulit-ulit niyang tinitignan kung gaano
