56. Room
PUTING DINGDING ang bumungad kay Sage. Kahit saan siya tumingin ay puti pa rin. Nabaling ang tingin ng binata sa kisame. Muli, puti pa rin ang nakikita niya. Masyado siyang nasisilaw sa liwanag ng lugar. Inilibot muli ni Sage ang tingin. Nasa isang laboratoryo siya. Sigurado siya sa bagay na iyon.
Parang binabarena ang ulo niya dahil sa matinding sakit. Gumuguhit iyon patungo sa kanyang likuran at braso. Gusto niyang sumigaw nang paulit-ulit ngunit hindi niya magawa. Namamanhid ang parte kalamnan niya. Hindi niya maigalaw ang ibat-ibang bahagi ng katawan. Tila hindi dumadaloy ang kanyang dugo.
Bumukas ang pinto. May pumasok doon ngunit hindi niya magawang lingunin. Wala siyang kontrol sa katawan. Kahit gusto niyang gumalaw hindi niya magawa. Naglakad ito papalapit sa direksyon
