57. Pandora
NAGISING SI Sage dahil sa magkakasunod na putok ng baril. Hindi niya magawang tumayo noong una dahil sa matinding panghihina ng katawan. Para siyang binugbog nang paulit-ulit. Iyon ang unang beses na nakadama siya ng ganoong uri ng sakit.
Tumihaya ang binata habang nakahawak sa kanyang tagiliran. Hinabol niya ang hiningang tila nawala nang napakatagal. Pakiramdam niya’y huminto rin ang pagtibok ng kanyang puso sa loob ng ilang segundo at bumalik lamang iyon ngayon. Kahit nanghihina, pinilit ng binata na umupo. Nasisilaw pa rin ang mga mata niya dahil sa matinding liwanag. Ngunit kalaunan nang nasasanay na iyon ay unti-unti niyang nakikita ang dalaga. Nakahiga ito sa puting sahig at wala ring malay.
“Sweety...” tawag niya sa kasintahan. Sinimulan niyang tapik-tapikin ang pisn
