58. Tunnel
HINDI MAPAKALI si Koddie. Paulit-ulit niyang ipinapaalala sa sarili na kumalma at mag-isip nang tama ngunit kahit anong gawin niya ay hindi pa rin iyon magawa. Nakailang buga at samyo na rin siya ng hangin ngunit hindi iyon nakakatulong. Parang sasabog ang ulo niya dahil sa matinding galit. Kapatid at kaibigan niya ang nasa panganib! Paano siya kakalma?
Isipin niya pa lang ang maaaring mangyari sa mga ito, gusto niya nang magwala. Hanggang kailan ba gagawin ng dalawa ang lahat para kanila? Napapagod na siyang walang ginagawa upang makatulong sa mga kaibigan. Ngunit wala siyang ibang alam gawin kung hindi hawakan ang keyboard niya at pindutin ang kung anu-ano. Hanggang doon na lang ba talaga siya? Lalo niyang nararamdaman ang pagiging walang kwenta sa grupo nila at kawalan ng
