19. Life
KAGIGISING LANG ni Alluka. Nakatulog pala siya sa sikretong lugar ng bahay. Nang mahiga siya sa sofa ay hindi niya na alam ang nangyayari sa kanyang paligid pagkatapos. Naging malalim na ang kanyang pagtulog. Siya kase ang nakatoka na magbantay kagabi kaya naman napuyat siya. Dahil sunod-sunod ang nangyayaring pagsugod sa kanilang bahay, napagkasunduan nilang magkaroon ng bantay sa itaas tuwing sasapit ang gabi. Sa ganoong oras kase nagaganap ang pag-atake. Sa itaas lamang din matatanaw ang kabuuan ng gubat kaya iyon ang perpektong lugar.
Dalawa lagi ang nakatoka kapag nagbabantay sila. Kasama niya ang Kuya Koddie niya kagabi.
Ang sabi ni Koddie, matutulog muna saglit para makapagpahinga ngunit hindi na ito nagising para palitan siya. Nang magising naman ay umaga na. Ayaw n
