76. Beginning
“IPAPASOK MO kami sa dram?” hindi makapaniwalang saad ni Brent. Tumaas pa ang boses nito nang sabihin iyon ni Russ.
“That’s the only option that we have right now,” sabi ni Russ.
Tumango si Clud. Tama ito. Hindi pa sila kaagad makakasunod ng isla dahil marami silang kailangang kausapin ni Russ na tao upang mabigyan sila ng mas malaking back up. Kung papasok sila, kailangang handa na sila.
Umiiwas sila sa mas malaking casualties na mangyayari kapag nasa loob na. Hindi man sinasabi ni Russ ngunit alam niya, katulad niya rin ito. Parehong naalala pa rin nila ang huling ingkwentro kay Helga. Hindi biro ang nangyari sa mga Dela Vega nang panahong iyon. Alam nila sa sariling may kasalanan din sila nang mga panahong iyon dahil hindi nila isinaalang-alang ang maraming bagay.
