CAMILLA
Nakakaginhawa sa pakiramdam. Tahimik, walang istorbo—walang lampungan sa bahay. Minsan lang nangyari ito na day-off ko na maagang umalis ang mag-nobyo.
Binaligtad ko ang buong apartment. Naglampaso ako, nagkuskos ng mga bintana, naglinis ng banyo at nagtapon ng mga basura. Nagmistulang pugad ang bahay dahil puro plastic ng pinagkainan ang laman ng kusina.
Sanay na ako sa hindi paglilinis ni Violet. Mas malala pa nga ang sitwasyon noong unang beses ako nakatungtong dito. Nasa sala ang kama nila ni Roger at amoy na amoy mo ang pinaghalong sangsang ng sigarilyo at lansa sa loob.
Nang matapos kong linisin ang labas ng bahay, pati na rin ang kusina at sala ay nagdesisyon akong magwalis sa loob ng aking kuwarto. Wala naman akong masyadong kalat dahil kaunti lang naman ang mga gami
