MASAYANG naipagdiwang ang house blessing namin na magkakaibigan. Walang mapagsidlan sa nag-uumapaw na kaligayahan sa aking puso, habang nagtitipon-tipon kaming lahat dito sa lobby.
Parang nasa isang hotel kami, dahil sa ganda ng pagkaka-design ng lobby. Wala nga lang reception area, dahil isa itong private property na kaming anim na magkakaibigan lamang ang p'weding pumasok, at magpapasok ng bisita.
"Ang ganda pala nitong condo n'yo! Parang nasa iisang bahay lang kayo, dahil iisa ang living room, at mayroong malaking swimming pool sa likod at garden na napakaganda ang pagkaka-landscape." sabi ni Ate Dianne, habang iginagala ang paningin dito sa loob ng lobby. "Iyong kabila, nakalaan na rin sa susunod na gagraduate! Kung mayroon nang ganito noon, siguro mas pipiliin ko ang ganitong tirah
