(CEN)
Lumapit ako sa screen kung saan makikita kung sino ang nagdo-doorbell. Napangiti ako ng makitang si kuya na nag de-deliver sa isang online shopping app iyon. Kilala ko na siya at kilala din niya ako sa boses lang, hindi kasi ako pwede magpakita sa kanya. Lagi siya ang nagde-deliver dito kasi ito daw ang ruta niya.
Pipnindot ko ang button para makausap ko si kuyang nasa gate.
“Hello kuya” bati ko. Nakangiti ako dahil siguradong pakulo na naman ito ni Paul. O-order siya online tapos kapag wala siya, nagugulat na lang ako may dumadating ng mga parcel.
“Hello ma’am may parcel po kayo, iwan ko na lang po ba ulit sa may basket?” tanong nito.
“Sige kuya, salamat” sabi ko
May basket kasi kaming inilagy sa may gate para hindi ko na kailangan lumabas para kunin iyon. Ang ginawa ni P
