Nag-aayos na ng kaniyang gamit si Dylan madaling araw pa lamang. Uuwi muna siya sa kanila sa probinsiya. Hindi lang dahil sa nais niyang makausap ang ina kundi para na rin kilalanin muli ang kaniyang sarili. Pakiramdam niya ay napakalaking parte ng pagkatao niya ang nawala nang dahil sa naging galit sa ama. Maging siya ay nakaramdam ng pangungulila sa dating Dylan Wilson. Ngunit plano niya munang puntahan si Blake at si Alexene naman pagkatapos. Nais niyang makausap ang mga ito at humingi na rin ng tawad sa mga naging kasalanan niya.
Inilibot muna ni Dylan ang paningin sa apartment bago siya tuluyang lumabas. Tuluyan niya ng binitiwan ang apartment na iyon at dalangin niyang maiwan na roon ang Dylan na hindi niya kilala. Nais niya na sanang kalimutan ang kung ano mang mga nangyari kahit n
