Magdamag na nag-iiyak si Alexene nang makauwi ito sa kanila. Ang mama na nito ang nagbantay kay Blaire dahil doon. Hindi rin halos dinalaw ng antok si Alexene kaya naman magang-maga ang mga mata nito pagkagising.
"Kumain ka na..." bungad ni Lea sa anak nang lumabas na sa kuwarto.
"Mamaya na po 'ma, maliligo lang muna ako," matamlay na sagot naman ni Alexene.
"Aalis ka ba?" tanong ni Lea sa anak.
Bumuntung-hininga muna si Alexene bago sumagot, "Gusto ko sanang ngayon na makipagkita kay Blake kasama si Blaire..."
"Kaso?" nananantiyang tanong ni Lea.
"Ma..." tila naman alam ni Alexene ang nais ipahiwatig ng ina.
"Anak, kung hindi ka pa handa, maiintindihan ni Blake sigurado," mahinahong saad ni Lea.
"Ma, kaya lang ako nagdadalawang isip dahil ayaw kong makita niya akong ganito ang its
