Kasalukuyang nagluluto si Alexene nang marinig ang mahinang pag-iyak ng anak. Kaagad niyang binitiwan ang sandok at mabilis na pinuntahan si Blaire sa kanilang kuwarto.
"Hey, my Blairryy!" kaagad na binuhat ni Alexene ang anak. Nakapa niyang puno na ang diaper ni Blaire, "Oh, kaya naman pala umiiyak ang bata. Puno na pala ang diaper," malambing na wika niya sa anak.
Kinuha niya ang mat na inilalagay sa bandang puwetan ni Blaire bago ito tuluyang bihisan.
"Alexene, diyan ka na muna kay Blaire. Ako ng bahala magtuloy nitong niluluto mo," narinig ni Alexene ang may kalakasang boses ng kaniyang lola.
Mahigit isang linggo na rin silang nandoon sa probinsiya nila sa Isabela. Nakatira sila sa kaniyang lolo at lola sa kaniyang mother side. Isang simpleng pamumuhay lamang ang mayroon sila roon
