"Sinong maghihiwalay?" muling tanong ni Juvy sa mga ito.
Napatingin siya kay Sandy na para bang nanghihingi siya ng sagot mula rito pero wala siyang sagot na nakuha mula rito, sa halip ay yumuko ito at nag-iwas ng tingin.
Napatingin siya sa folder na hawak-hawak ni Monique at walang anu-ano'y agad niya itong hinablot mula sa mga kamay nito bago pa man nito nailayo mula sa kanya.
Gulat naman si Sandy sa ginawa ng kanyang biyenan pero huli na para pigilan ito.
Agad nang binuksan ni Juvy ang folder at binasa niya ang laman nito at ganu'n na lamang ang pagguhit ng pagtataka sa mukha niya nang makita niya kung ano ang laman nu'n.
Nakaawang ang mga labing napatingin siya kay Sandy at ramdam niya ang kaba na nararamdaman nito ng mga sandaling 'yon.
"Sandy, ano 'to?" hindi niya makapaniwa
