"SIGURADO ka, Ysa?" gulat na tanong sa akin ni Cielo dahil sa sinabi kong iyon. Tumayo pa ito sa harapan ko. Napatingin naman ako sa kanya.
Napabuga ako ng hangin at napatungo. "A-ang totoo niyan ay hindi ko talaga alam ang gagawin ko, Cielo. Naiipit ako sa dalawang desisyon..."
Pwede ko namang ihinto na ang kontrata ko kay Senyorito Alaric. Pero paano ang gamutan ni nanay? At paano ang paglaya ni tatay?
"Ysa, walang masama kung ihinto mo na iyan. Pero ang tanong... saan ka kukuha ng pang maintenance ni Tita Amy? At saka, paano ang paglaya ng tatay mo? Isang daang libo pa ang kulang mo hindi ba?"
Katulad ko ay iyon din ang naiisip ni Cielo. Oo nga, paano ang mga iyon?
"Hindi sa kinukunsinti ko ang ginagawa mo. Pero kapag ginawa mo iyan, magsasakripisyo ka ulit. May tiyansang mapunta
