AGAD na nanuot sa katawan ko ang lamig nang maramdaman ko ang pagbagsak namin sa tubig. Napayakap ako ng mahigpit kay Senyorito Alaric nang hindi ko na maisayad ang mga paa ko sa tiles.
"S-Senyorito!" Napasinghap ako at nanlaki ang mga mata ko. Hindi ako marunong lumangoy. At natatakot ako at baka may plano siyang lunurin ako ngayon mismo.
Narinig ko ang mahinang pagtawa nito. "Chill, Babe. Hindi kita bibitawan," anito at mas yumakap pa nga ito sa akin. Hinawakan niya ako sa magkabilang beywang ko habang nakapulupot naman ang mga braso ko sa leeg niya.
Nailing ako. "U-umahon na tayo," ani ko sa kanya. Naalala ko noong unang may nangyari sa amin. Naligo rin kami sa talon noon dito rin sa asyenda nila. Ngunit nasa pangpang lang kami noon at mababaw ang tubig. Ngunit ngayon, kahit anong pa
