HINDI ko alam kung pinagloloko lamang ba ako ng police na nakausap ko o sadyang totoo ang sinabi niyang kalahating milyon ang kailangang pyansa upang makalaya si tatay. Kung hindi ako nagkakamali ay sinabi kagabi ni Senyorito Alaric na isang daang libo lamang ang kaylangan ko upang makalaya ang ama ko.
Napahilot ako sa aking sintido. “B-bakit ho ay ganoon naman ata kalaki ang kaylangan kong halaga?” Hindi ako makapaniwala sa narinig ko. Taon ang aabutin bago ako makaipon ng ganoong kalaking halaga ng pera.
Halatadong natigilan ang police sa itinanong kong iyon. Napakamot ito sa kanyang batok at tila hindi alam ang sasabihin sa akin. “Wala nang paliwanag pa! Iyon ang kaylangan mo para makalaya ang ama mo. Kung hindi ka naman naniniwala sa akin ay kumuha ka ng abogado mo. Sige na! Makaka
