BUKOD sa napakalakas masyado ng kalabog ng dibdib ko dahil sa kaba ay hindi rin ako makagalaw pwesto ko. Pinagpapawisan ako ng malamig kahit malamig sa loob ng buong restaurant.
Hindi ako makagalaw mula sa kinauupuan ko dahil sa mariing titig sa akin ni Senyorito Alaric mula sa di kalayuan. Titig na titig ang kulay abuhin nitong mga mata sa akin at magkasalubong din ang kanyang magkabilang kilay.
Hindi ako makapagsalita kahit na narinig ko ang muling pagsalita nito sa kabilang linya.
"I said where are you, Princesa?" may pagtataka din sa boses na anito. Marahil ay dahil sa bago kong itsura kaya tila hindi ito sigurado sa kanyang nakikita. Bukod pa doon ay bahagyang dim ang ambiance ng buong resto.
Tumayo ito at inihakbang ang mga paa patungo sa akin. Naramdaman ko naman ang pagtulo ng
