SA BUONG durasyong ng aming byahe pabalik ng Cordova galing siyudad ay hindi ko na kinausap pa si Aldrich. Bago bumyahe ay kumain muli kami. Ngunit hindi katulad kaninang umaga ay naging tahimik ang mesa namin ngayon. Marahil ay lahat kami pagod na at wala nang lakas para magsalita pa.
Pagkabalik naman namin sa loob ng sasakyan ay pinili ko na lamang matulog kahit gulong gulo ang isipan ko at bigla na lamang dumagundong ng malakas ang dibdib ko dahil sa lalakeng nasa tabi ko lamang ngayon.
Nakapagtataka at ngayon ko lang naramdaman iyon sa buong maghapon na magkasama kaming dalawa.
Pero imbis na isipin pa iyon ay pilit ko na lamang iwinawaglit sa isipan ko ang dahilan. Iniisip ko na lamang na baka pagod lang talaga ako at kaylangan ng magpahinga.
Mula sa malalim na pagtulog ay naka
