‘WELCOME to Cordova’
Mahigit isang araw pa lamang ang biglaang pagluwas ko sa Maynila ngunit nang makita ko ang arko ng lugar namin ay hindi maiwasang matuwa ng puso ko. Nandito na ako. Nakabalik na ako. At kahit nakakaramdam ako ng kaba para sa mga taong nag-aalala sa akin kung paano ko sa kanila ipapaliwanag ang pagkawala ko ay hindi ko pa rin maiwasang maging masaya.
Walang maihahalintulad ang lugar na Cordova sa iba. Maalikabok man ngunit walang nakakalat na dumi sa kalsada. Sariwang hangin dahil sa naglalakihang puno at berde ang kulay ng paligid.
Oo at nangangarap akong lumuwas ng siyudad para sa pangarap ko. Pero alam ko na babalikan at babalikan ko pa rin ang lugar na ito.
“Dito niyo na lamang ho ako ibaba, Senyorito…” ani ko nang sa wakas ay tanaw ko na ang downtown. Malap
